Аяқ киімді міндетті цифрлық таңбалау 1 қарашадан енгізіледі

ERNUR.KZ. Қазақстанда аяқ киімді міндетті цифрлық таңбалау 2021 жылғы 1 қарашадан енгізілетін болады, деп жазады inbusiness.kz.

Яғни осы уақыттан бастап таңбаланбаған аяқ киімнің өндірісіне және оның ҚР аумағына әкелінуіне тыйым салынады. Ал бөлшек сауда бизнесінде таңбаланбаған тауарлардың қалдықтарын сату үшін 2022 жылдың 1 қарашасына дейін қосымша мерзім бар.

Жаңа ережелер бойынша жұмыс істеу үшін өндірушілер мен импорттаушылар таңбалау жүйесінде (markirovka.kz) тіркелу керек. Таңбалау кодтарын шығару үшін жүйеге өндірілетін және импортталатын өнім туралы ақпаратты енгізу қажет.

Осындай бір кодтың құны 2,68 теңгені құрайды. Қазіргі уақытта аяқ киім тауарларының айналымы 96% - импорт, 4% - ішкі өндіріс болып сипатталады. Аяқ киім ішкі нарығының дамуын көлеңкелі айналым айтарлықтай шектейді.

Тағы оқыңыз: Қазақстанның екі облысында анықталмаған аурудан мал қырылып жатыр.