Бүгін құрылыс саласының қызметкерлері өздерінің кәсіби мерекелерін атап өтіп жатыр

11.08.2024 11:23

446

Құрылыс саласы - ел экономикасының маңызды секторларының бірі.

Құрылысшылар күні тамыздың екінші жексенбісінде атап өтіледі, деп хабарлайды ERNUR.KZ.

Құрылыс саласы - ел экономикасының маңызды секторларының бірі. Сәулетшілер, инженерлер мен дизайнерлер, сырлаушы - сылақшылар мен әрлеушілер, бетоншылар мен тас қалаушылар - қазіргі уақытта 53 мың компанияда шамамен 648 мың маман жұмыс істейді.

Қазір су тасқынынан зардап шеккен аймақтарда құрылысшының еңбегі ерекше сұранысқа ие. Кейде олар баспанасынан айырылған азаматтар тезірек жаңа үйлеріне көшуі үшін тәулік бойы, бірнеше ауысыммен жұмыс істейді.

Құрылыс саласының барлық қызметкерін кәсіби мерекелерімен құттықтаймыз. Сіздерге зор денсаулық, бақыт, амандық пен жаңа жетістіктер тілейміз!