"Бұл қорыл емес": Сотта Бишімбаевтың айғақтары жоққа шығарылды

0
454

Судья ауыр бас-ми жарақатын алған адам қанша уақыт бойы арпалысып, қырылдауы мүмкін екенін сұрады.


ERNUR.KZ. Бишімбаевтың сотында алматылық сот-медициналық сарапшы Тахир Халимназаров сотталушы Бишімбаев мәлімдегендей, Нүкенова жарақат алғаннан кейін ұйықтап қалып, қорылдауы мүмкін бе деген сұраққа жауап берді, деп жазады tengrinews.kz.

Адам ми жарақатынан кейін ұйықтап жатқандай қорылдауы мүмкін бе? Бұл сұрақты прокурор сотта сарапшыға қойды.

"Жоқ, әрине. Бұл жерде бұл жарақат, асфиксия құбылысы, сөзсіз, жедел тыныс алу жетіспеушілігі болады. Мұндай құбылыс дамығанда жедел тыныс жетіспеушілігі, тыныс алу бұзылады және оны қорыл ретінде қабылдауға болады, бірақ бұл жағдайда ұйықтап жатқан адамның қорылы емес. Ұйықтап жатқан адамның қорылы тұрақты, тыныш, бірақ бұл жағдайда ол булығады, оған ауа жетпейді. Кез келген адам адамның тыныш ұйықтап, қорылдағанын түсінеді. Бұл - қырыл", - деп түсіндірді Халимназаров.

Судья нақтылау үшін сұрақ қойды: адам қорылдауды қырылдан анық ажырата ала ма?
"Қорыл бір қалыпты, тыныш. Адам қырылдаған кезде тыныс жетпейді. Қырылдау сипаты мынадайы, тыныс алу ауырлайды, тыныс алу орталықтарында қысым пайда болады", - деп қосты Халимназаров.

Сондай-ақ, судья ауыр бас-ми жарақатын алған адам қанша уақыт бойы арпалысып, қырылдауы мүмкін екенін сұрады. Маманның айтуынша, бәрі жарақаттың ауырлығына байланысты және адам бұл күйде бірнеше сағат бойы жатуы мүмкін.