ERNUR.KZ. Бұл ынтымақтастық шарттары туралы ақпарат алмасу ғана емес, сонымен қатар тәжірибелік мәселелерді бірлесіп шешуге де қатысты, деп жазады sputnik.kz.
ЕАЭО Іскерлік кеңесі мен Қытайдың Халықаралық саудаға жәрдемдесу комитеті (ҚХСЖК) арасында қол қойылған меморандум ЕАЭО елдері мен ҚХР арасындағы кедергілерді жоюға және іскерлік байланысты одан әрі дамытуға мүмкіндік береді.
"Әңгіме ынтымақтастық шарттары туралы ақпарат алмасу туралы ғана емес, сонымен қатар практикалық мәселелерді – шектеулерді жоюға көмектесу, түрлі форумдар, ЭКСПО көрмесін ұйымдастыру мәселесін бірлесіп шешу туралы болып отыр", - деп мәлімдеді Sputnik-ке ЕАЭО Іскерлік кеңесінің атқарушы хатшысы Сергей Михневич.
Меморандумға Ресей өнеркәсіпшілер мен кәсіпкерлер одағының президенті, ЕАЭО Іскерлік кеңесі президиумының мүшесі Александр Шохин және Қытайдың Халықаралық саудаға жәрдемдесу комитеті төрағасының орынбасары Чжан Шаоган қол қойды.
Одақ пен Қытай арасындағы қарым-қатынас ЕАЭО-мен ықпалдастық және 2015 жылы басталған "Бір белдеу, бір жол" бастамасының интеграциясын, сондай-ақ цифрландыру, климаттың өзгеруі және саудадағы кедергілерді жою салаларындағы өзара іс-қимылды дамытуды қамтиды.
