Энергетика министрлігі жаңа электр станциясының құрылысына тендер жариялады
фото: Пресс-служба АО "Самрук-Энерго"
ERNUR.KZ. Қазақстанның энергетика министрлігі Екібастұзда ГРЭС құрылысына тендер жариялады, деп жазады sputnik.kz.
Құжатта болашақ жобаның құны – 3 триллион деп көрсетілген. Өндірістік қуаты 2,64 гигаватт, ал көмірдің меншікті шығыны 280 г/кВтсағ болады.
Құрылыс мерзімі - 2025-2032 жылдар, тендерге өтінімдер биылғы жылдың 12 мамырына дейін қабылданады. Инвестицияны қайтару мерзімі – 15 жыл.
Құжаттарға сәйкес, тендер жеңімпазы нысанды жобалауға және салуға, сондай-ақ оны қаржыландыру мен пайдалануға міндетті болады.
Ведомствоның мәліметінше, жаңа жоба энергетиканың дамуына елеулі үлес қосады.
