Вице-министр Бейбіт Есенбаев жағдайдың үш ықтимал себебін атады.
ERNUR.KZ. Қазақстандықтар әлеуметтік желіде вакцинациядан өткені туралы SMS-құттықтаулар келіп жатқанын айтып шағымданды. Алайда шын мәнінде олар екпе алмаған. Тұрғындар осыдан біреулер "ақша таппақ" деп күдіктенген. Вице-министр Бейбіт Есенбаев жағдайдың үш ықтимал себебін атады, деп жазады tengrinews.kz.
Есенбаев айтқан себептердің бірі - адам факторы. Медицина қызметкері ақпараттық жүйеге басқа науқастың деректерін қате енгізуі мүмкін.
"Екінші нұсқа - медициналық ұйымдар тарапынан ақпаратты әдейі енгізу. Үшінші нұсқа - мобильді деректер базасына нөмірді енгізу кезінде қате болуы мүмкін", - дейді министрдің орынбасары.
Егер тұрғын да, оның балалары да екпе алмаған болса, бұл туралы Әлеуметтік медициналық сақтандыру қорына хабарлау керек.
"Екінші нұсқа - eGovmobile мобильді қосымшасындағы eDensaulyq бөліміндегі ақпаратты түзетуге өтініш беру. Бұл электрон өтініш Әлеуметтік медициналық сақтандыру қорына да түседі және қажетті шаралар қабылданады", - деп сендірді Есенбаев.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
