Соңғы 2 жылда амбулаториялық дәрі-дәрмекпен қамту шығындардың 2 есе өсуі алаңдаушылық туғызып отыр.
ERNUR.KZ. Халықты сапалы дәрі-дәрмекпен қамтамасыз ету мәселесі қайта қаралады. Бұл туралы Денсаулық сақтау министрі Ақмарал Әлназарова мәлім етті, деп жазады inform.kz.
«Халықты дәрі-дәрмекпен қамтамасыз ету сапасына баса назар аудара отырып, қайта қаралады. Министрлік амбулаториялық дәрі-дәрмекпен қамтамасыз ету жүйесін оңтайландыру бойынша жұмысты бастады», - деді Ақмарал Әлназарова ведомствоның кеңейтілген алқа отырысында.
Министрдің айтуынша, препараттардың сапасына аса мән беріледі.
«Соңғы 2 жылда амбулаториялық дәрі-дәрмекпен қамту шығындардың 2 есе өсуі алаңдаушылық туғызып отыр. Бұл ретте 41 нозология бойынша пациенттер тек 50%-ға қамтамасыз етіледі. Дәрі-дәрмекпен қамтамасыз ету көлемінің жалпы өсуіне қарамастан, амбулаториялық дәрі-дәрмекпен қамтамасыз ету деңгейі төмендеген», - дейді ол.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
