Оқиға орнына жедел-тергеу тобы, кинологтар және қалалық шұғыл жағдайлар қызметі келді.
ERNUR.KZ. Нұр-Сұлтан қаласындағы Израиль елшілігіне күдікті белгілері бар екі сөмке жеткізілген, деп жазады Polisia.kz.
2 қыркүйекте 102 нөміріне елшілікке күдікті белгілері бар екі сөмке пошта арқылы келгені туралы хабарлама түскен. Салмағы 7 келіден асатын сәлемдеме Тель-Авив қаласынан Алматы арқылы жеткізілген болып шықты.
Оқиға орнына жедел жеткен полиция қызметкерлері Израиль елшілігі орналасқан «Азия» бизнес орталығының аумағын қоршауға алды. Оқиға орнына жедел-тергеу тобы, кинологтар және қалалық шұғыл жағдайлар қызметі келді.
Тексеру барысында полиция қызметкерлері сөмкелерден қауіпті заттарды тапқан жоқ. Сөмкелерде жеке заттар бар болып шықты.
