Қазақ дипломаты ХҚКК-ның гуманитарлық миссиясының маңыздылығына назар аударып, биыл әлем мерекелеп жатқан Женева конвенцияларының 75 жылдығы мен оның рөлін ерекше атап өтті.
Фото: СІМ баспасөз қызметі
ERNUR.KZ. Қазақстанның Сыртқы істер министрінің бірінші орынбасары Ақан Рахметуллин Халықаралық Қызыл Крест Комитетінің (ХҚКК) Орталық Азиядағы өңірлік делегациясының басшысы Биляна Милошевичпен кездесті, деп жазады inform.kz.
"Б.Милошевич Қазақстанға ХҚКК-ның гуманитарлық миссиясынорындауда тұрақты қолдау көрсеткені үшін алғыс білдірді. Ол Қазақстан өз азаматтарын қарулы қақтығыстар аймақтарынан, атап айтқанда Сирия мен Ирактан қайтару жөніндегі күш-жігерін жоғары бағалады", — делінген министрлік хабарламасында.
Қазақ дипломаты ХҚКК-ның гуманитарлық миссиясының маңыздылығына назар аударып, биыл әлем мерекелеп жатқан Женева конвенцияларының 75 жылдығы мен оның рөлін ерекше атап өтті. Еліміздің Халықаралық Қызыл Крест және Қызыл Жарты ай қозғалысымен бірлескен жұмысының жалғастыруына бейілдік расталды.
Тараптар Қазақстан, Бразилия, Қытай, Франция, Иордания және Оңтүстік Африка Республикасы 2024 жылғы қыркүйекте Нью-Йоркте жарияланған Халықаралық гуманитарлық құқыққа саяси қолдауды арттыру жөніндегі жаһандық бастама аясында одан әрі іс-қимылдарды талқылады.
Бұған қоса сұхбаттастар Орталық Азия, Ауғанстан мен Таяу Шығыстағы халықаралық қатынастардың өзекті мәселелері бойынша пікір алмасты.
ХҚКК — соғыс, зорлық-зомбылық және гуманитарлық апаттар құрбандарына көмек көрсетуді мақсат еткен тәуелсіз ұйым. Ол 1992 жылдан бері Орталық Азияда қызмет атқарады, Ташкентте өңірлік өкілдігі және Астанада өкілдігі бар.
Бұған дейін Жапон ханшайымы Айко Қызыл Крест ұйымындағы қызметіне кіріскенін хабарлаған болатынбыз.
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
