Кішкентай қызды әуежайда тастап кеткен FlyArystan әкімшілік жазамен құтылмақ

0
393

Азаматтық авиация комитеті кінәлі қызметкерлер жауапқа тартылады деп сендірді.


Кішкентай қызды әуежайда тастап кеткен FlyArystan әкімшілік жазамен құтылмақ

ERNUR.KZ. Он жастағы егіз қыздың сыңарын бортқа кіргізбей, Астана әуежайында қараусыз қалдырып кеткен «FlyArystan» әуе компаниясы әкімшілік жауапкершілікке тартылады. Бұл туралы Азаматтық авиация комитеті мәлімдеді, деп жазады azattyq-ruhy.kz.

«Азаматтық авиация комитеті «FlyArystan» авиакомпаниясын кәмелетке толмаған жолаушыны авиакомпанияның рейсіне жібермегені үшін әкімшілік жауапкершілікке тартады. Бұл - өрескел жағдай. Жолаушылардың құқығы әрқашан мүлтіксіз сақталуы керек. Азаматтық авиация комитеті, «Қазақстанның авиациялық әкімшілігі» АҚ-мен бірлесе «FlyArystan» авиакомпаниясына қатысты жан-жақты тексеру жүргізеді. Кінәлі қызметкерлер міндетті түрде жауапқа тартылады», - делінген хабарламада.

Бұдан бұрын жазғанымыздай, Қазақстандағы ірі әуе тасымалдаушы компания FlyArystan ұшағы жасөспірімді бортқа кіргізбей, Астана әуежайында қалдырып кеткен. Бұл туралы қыз баланың анасы хабарлаған болатын.