Кондиционер коронавирустың жұғуына әсер етуі мүмкін - сарапшы

ERNUR.KZ. Фтизиопульмонология орталығының пульмонологы Абзал Малбасқанов кондиционердің пневмонияға әсерін айтып берді, - деп жазады Tengrinews.kz.

"Кондиционер кез-келген тұмаудың шығуына әсер ететін қауіпті фактор болатын. Көшеде 35-40 градус ыстық болса, кеңселер мен адамдардың көбі ағза қызып кетпеуі үшін кондиционер орнатады. Оның ішінде көлікке де. Кейін жабық кеңістікте адамның денесі суып, ыстық далаға шыққанда, ағзада температура құбылады, содан иммунитет әлсірейді.

Ал коронавирус инфекциясы тұрғысынан: иә, вирус жұғуы мүмкін, себебі кондиционерді қосқанда, біз әдетте бөлмені жабамыз. Демек ауа бөлме ішінде ғана айналады. Нәтижесінде инфекция жұғады. Сонымен қатар, құрылғы сүзгісінің өзгерген уақытына да байланысты. Бірақ мұндай пневмония клиникасы, айтып өткенімдей, ковидті пневмониядан сәл өзгеше", - деп мәлімдеді дәрігер.

Осыған байланысты пульмонолог бөлмені табиғи жолмен желдетуді және кондиционер сүзгілерін жиі ауыстырып тұруға кеңес берді.