Қостанай облысы экспортқа 18 мың автокөлік шығарады

ERNUR.KZ. Облыс әкімі Архимед Мұхамбетовтің мәлімдеуінше, машина жасау саласы өңір экономикасының драйвері саналады, деп жазады inbusiness.kz.

«Машина жасау үлесі өңірдегі өңдеу өнеркәсібінің жалпы көлемінің 38,5% - ын құрайды. Қатардағы жұмыс өндірісі – 2,1, трактор өндірісі – 2,5 комбайн өндірісі – 2,4% -ға, жеңіл автокөлік өндірісі – 43,3% - ға ұлғайды», – деді Архимед Мұхамбетов.

Облыс әкімінің айтуынша, 2021 жылғы наурыздан бастап өңірде KIA автокөлігі құрастырыла бастады. Бүгінге дейін осы маркадан 3 192 бірлік автокөлік жиналды.

«JAC концернінің автокөліктерін локализациялау мен өндіруді дамытуға шамамен 10 млн доллар инвестиция құю жоспарланып отыр. Өткен кезеңде «СарыарқаАвтоӨндіріс» ЖШС конвейерінен барлығы – 19 779 бірлік автокөлік шығып, оның 1 672 -сі экспортқа жіберілді. Биыл 60 мың автомобиль шығару жоспарланды, оның шамамен 18 мың бірлігі экспортқа жіберіледі», – деді Архимед Мұхамбетов.