Кредитін жабу үшін алматылық ару құрсақтағы баласын 500 мың теңгеге сатпақ болған

ERNUR.KZ. Алматылық бойжеткен "Өз ойым" бағдарламасында кредитін жабу үшін 500 мың теңгеге құрсағындағы баласын сатпақ болғанын айтты.

Кейіпкердің айтуынша, оның кездесіп жүрген жігітенен аяғы ауыр болып қалған. Бастапқыда бәрі дұрыс болғанмен біршама уақыттан соң жігіті аборт жасауға ақша әкеліп беріп кетіп қалған. Өзін "Алматыдан келдім" деп таныстырған бойжеткен құрсағындағы сәбиінің 14 апта болғанын айтты.

"Ішімдегі баламды біреуге еріккен бере салайын деп тұрған жоқпын. Мен де оған бауыр басып қалдым. Менің басымда кредитім бар... Оның пайызы өсіп жатыр...", - деді қыз.

"Баламды жақсы адамдарға бергім келеді. Мен ол кісілерден ақша алайын деп жатқан жоқпын, тек қана кредитімді жауып берсе болды... деп отырмын", - деді ол.