Жол апатынан кейін зардап шеккен бала ауруханаға жеткізілген.
ERNUR.KZ. Алматы қалалық қоғамдық денсаулық сақтау департаменті тұрғын үй кешендерінің бірінде көлік қағып кеткен баланың жағдайы туралы айтты, деп жазады tengrinews.kz.
ҚДСД мәліметінше, жол апатынан кейін зардап шеккен бала ауруханаға жеткізілген.
"Қыз бас, иық және аяқ жарақаттарымен №2 қалалық клиникалық аурухананың жедел жәрдем бөліміне жеткізілді. Жедел жәрдем бөлімінде нейрохирург, травматолог, хирург қарады. Жағдайы тұрақты, есін біледі. Сол жақ қабырға асты аймағында көгерулер бар. Рентген жасалды: сүйек-травматикалық патологиясыз. Ол ауруханаға жатқызуды қажет етпеді, бала амбулаторлық ем қабылдауға жіберілді", - деді ведомство өкілдері.
Еске салайық, бұған дейін желіде Алматыдағы халық көп қоныстанған тұрғын үй кешенінде жылдамдықпен келе жатқан көлік баланы қағып кеткен видео пайда болған еді. Куәгерлердің айтуынша, оқиға Алма-сити-5 шағынауданында болған.
