Ауыл шаруашылығы министрлігі бағаның қымбаттауы маусымдық сипатқа ие екенін айтады.
ERNUR.KZ. Өзбекстанда Қазақстан мен Ресей Федерациясынан импортталған ұнның бағасы 1,6 есе өсті. Бұл ауа райының қолайсыздығына байланысты Қазақстанда астық жинаудың кешігуінен болды, деп жазады sputnik.kz.
Оның айтуынша, жақын арада жергілікті нарықтағы жағдай тұрақталады.
Өткен аптада қазақстандық министрлер кабинетінің баспасөз қызметі еліміздің негізгі астық егетін өңірлері – Қостанай, Павлодар, Солтүстік Қазақстан, Ақмола облыстарында ұзақ уақыт жауын-шашын мен болжамды аяз салдарынан жаңа орылатын астық сапасының нашарлауы, оның өнуі және жоғары ылғалдылық қаупі жоғары екенін айтқан болатын.
Осыған байланысты Өзбекстанда қазақстандық және ресейлік ұнның құны соңғы аптада 1,6 есе, яғни килограмына 8,4 мың сумға (0,68 доллар) дейін өсті.
"Қазақстанда егін жиналғаннан кейін баға тұрақталады деп болжап отырмыз. Бұл күндері ауа райының қолайсыздығына байланысты егін жинау кешіктіріліп жатыр", - деді ауыл шаруашылығы министрлігінің өкілі.
Оның айтуынша, Қазақстанның ішкі нарығында да ұн бағасы өсті, өйткені жаңа өнім жиналғанға дейін қоймаларда қалған өнім азайған.
Ауа райының қолайсыздығын ұн бағасын көтерген ресейлік трейдерлер де пайдаланды, дейді агенттік өкілі.
Ауыл шаруашылығы министрлігі бағаның қымбаттауы маусымдық сипатқа ие екенін айтады. Мұндай өткен жылдың дәл осы кезеңінде де болған. Оның айтуынша, 20 күн ішінде ұн бағасы тұрақталып қана қоймай, тіпті арзандаған.
Қазақстанның астық егетін негізгі өңірлерінде егін жинау науқанына ауа райының қолайсыздығы кедергі келтіргені бұған дейін де айтылған болатын. Солтүстік өңірлердегі қолайсыз жағдайға байланысты президент Қасым-Жомарт Тоқаев үкіметке астық өндірумен айналысатын фермерлік және шаруа қожалықтарына қаржылай және өзге де қажетті көмек көрсетуді тапсырды.
