Жол-көлік оқиғасы бойынша тергеу басталды.
ERNUR.KZ. Павлодар облысында автокөлік пен трактор қағып кеткен екі адам мерт болды, деп жазады azattyq-ruhy.kz.
Облыстық полиция департаменті баспасөз қызметінің мәліметінше, 24 желтоқсанда Беловка - Қалқаман автожолының 18 шақырымында «Toyota Land Cruiser-100» маркалы автокөлігінің жүргізушісі жаяу жүргіншіні басып кеткен. Зардап шеккен адам алған жарақаттарынан қайтыс болды.
«Сол күні Баянауыл ауданы Қызылтау ауылдық округінің жазық даласында МТЗ-92 маркалы трактордың жүргізушісі мас күйінде алдыңғы күрегімен жұмыс істеп жатқанда өтіп бара жатқан салт атты адамды қағып кетті. Апат салдарынан ер адам алған жарақаттарынан сол жерде қайтыс болды», – дейді департаментте.
Жол-көлік оқиғалары бойынша тергеу басталды, сот-медициналық сараптама тағайындалды. Көлік құралдары мамандандырылған айып тұрақтарына қойылды.
![](/assets/thumbnails/b1/b1ffaa7012121d78c3aaed67d05992e2.jpg ""Отбасылы еркектің уәдесіне сеніп жүріп, жастық шағым өтіп кетті"")
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
