Ұлттық статистика бюросының мәліметтеріне сәйкес, осы жылдың қаңтар-қыркүйек аралығында шаштараздар мен сұлулық салондары 24,4 млрд теңгеге қызмет көрсетті.
ERNUR.KZ. 2021 жылдың қараша айымен салыстырғанда шаштараздар мен сұлулық салоны қызметтерінің бағасы жылдық мәнде 17%-ға артты, деп жазады inbusiness.kz.
Қараша айында елімізде әйелдердің шаш қию қызметінің орташа бағасы 2 744 теңгені құрады. Республика бойынша бұл қызмет түрі Астанада қымбат тұрса (4 166 теңге), Семейде өзге өңірлермен салыстырғанда арзанырақ (1 714 теңге). Басқа қалаларда әйелдердің шашын қию қызметінің орташа бағасы - 2-3 мың теңге.
“Елімізде ерлердің шаш қию қызметінің орташа бағасы әйелдерге қарағанда арзандау– 2 037 теңге. Ер азаматтардың шашын алу бағасы Алматыда ең қымбат (2979 теңге), Қызылордада анағұрлым арзан (1355 теңге). Басқа қалалардағы баға диапазоны - 1400-ден 2500 теңгеге дейін”, - делінген Ұлттық статистика бюросы таратқан ақпаратта.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
