Синоптиктер алдағы үш күннің ауа райы болжамын жария етті

«Қазгидромет» орталығы мамандары қыркүйектің 17-19 аралығындағы ауа райы болжамын жариялады, деп хабарлайды ERNUR.KZ.

Қыркүйектің 17-19 аралығында Қазақстанның ауа райына бұрынғыдай Кар теңізі аудандарынан келетін циклон әсер етеді.

Еліміздің оңтүстігінде найзағай ойнап, жаңбыр жауады, солтүстігінде, орталығында және шығысында жел күшейіп, нөсер жаңбыр жауады, бұршақ түсуі мүмкін деген болжам бар. Тек еліміздің батысында ғана жауын-шашын болмайды.

Жұма күні Атлантикалық антициклонның келуіне орай Қазақстанның басым бөлігінде құрғақ, салыстырмалы түрде жылы ауа райы қалыптасады.