Смайылов: Жанармай қоры бүкіл республикаға жетеді

04.07.2023 11:14

659

3 шілдеде Маңғыстау және Атырау облыстарындағы электр станциялары оқшауланған жұмысқа көшті.

ERNUR.KZ. Премьер-министр Әлихан Смайылов 4 шілдеде өткен ҚР Үкіметінің отырысында МАЭК-тегі апатқа байланысты жағдай бақылауда екенін, барлық мұнай өңдеу зауыттарын тоқтату туралы болжамдар шындыққа жанаспайтынын айтты, деп жазады zakon.kz.

Министрлер кабинетінің мүшелері алдында "ҚазМұнайГаз" АҚ басқарма төрағасының орынбасары Дәулетжан Хасанов есеп берді.

"Сыртқы желілерден электр қуатын беру тұрақталғандықтан, зауыттың технологиялық қондырғылары тұрақты жұмыс режиміне келтірілді. Апта соңына дейін Атырау мұнай өңдеу зауыты мұнай өндірудің бұрынғы көлеміне оралуды жоспарлап отыр".Дәулетжан Хасанов

Ол МАЭК-тегі энергоблоктың тоқтатылуы ҚМГ кәсіпорындарының ішінара немесе толық тоқтауына әкеліп соқтырғанын айтты. Бірақ Әлихан Смайылов оның есебін ескірген деп атады.

"Сіз өз баяндамаңызда бірқатар мұнай өңдеу зауыттарының жұмысы тоқтатылғанын, олардың кейбірінің жұмысын қалпына келтіргенін, сіздің ақпаратыңыз ескіргенін атап өттіңіз. Қолда бар жанармай қоры бүкіл республика үшін жеткілікті. Барлық мұнай өңдеу зауыттарының тоқтатылуы туралы алып-қашпа сөз. Бұл дұрыс емес. Жағдай бақылауда".Әлихан Смайылов

Премьер-Министр мемлекет басшысының тапсырмасы бойынша апаттың себептерін анықтау үшін қазірдің өзінде арнайы мемлекеттік комиссия құрылғанын атап өтті.

"Кінәлілер жауапқа тартылады. Енді ең бастысы - барлық кәсіпорындардың жұмысын қалпына келтіру, тұтынушыларды электр энергиясымен қамтамасыз ету".Әлихан Смайылов

Маңғыстау облысының әкімі Нұрлан Ноғаев ҚР Үкіметінің отырысында өңірде МАЭК-тегі энергоблоктың апатты тоқтау себебін анықтайтын комиссия құрылғанын айтты.

3 шілдеде Маңғыстау және Атырау облыстарындағы электр станциялары оқшауланған жұмысқа көшті. Оған "МАЭК" ЖШС-дегі No1 энергоблоктың апатты түрде тоқтауы себеп болған.