Инсинизатор алғаш рет 2011 жылы "Үлкен қала экологиясы-2011" Халықаралық экологиялық форумы аясында Ленэкспо көрмесінде ұсынылған.
ERNUR.KZ. Қазақстандықтар Желіде табылған "мобильді крематорий" деген жазуы бар жүк көлігінің фотосуретін таратып жатыр. Кейбіреулер мұндай қондырғы COVID-19-ға қарсы вакциналау нәтижесінде қайтыс болған адамдар үшін дайындалған деп пайымдайды. Суреттің астында "Вакцинациядан кейін бәрі дайын" деп жазылған. Бұл жалған, деп жазады StopFake.kz.
Шын мәнінде, фотосуретте "Турмалин" компаниясы шығарған ИН-50.1К инсенизаторы көрсетілген. Ол қауіптілік класы I-V жататын биологиялық қалдықтарды экологиялық қауіпсіз жоюға арналған.
Инсинизатор алғаш рет 2011 жылы "Үлкен қала экологиясы-2011" Халықаралық экологиялық форумы аясында Ленэкспо көрмесінде ұсынылған. Инсинезатордың толық циклы көрсетілген видеоны өндірушінің ресми YouTube арнасынан көруге болады.
Ол пандемияға дейін 8 жыл бұрын жасалған және оған еш қатысы жоқ. Өндіруші "мобильді крематорийдің салттық мақсаттарда пайдалануға және жүкті жоюға арналмағанын" атап өтті.
Сарапшылардың айтуынша, COVID-19-ға қарсы вакцина салдырған адамдар жақын арада жаппай өле бастайды деген теория негізсіз. Олар бұған дейін мұндай болжамдардың неге шындыққа жанаспайтыны туралы егжей-тегжейлі жазған болатын.
