Жас баланы ит талап өлтірді

Ақмола облысында Кавказ овчаркасы жас баланы талап өлтірді, қылмыстық іс қозғалды, -деп хабарлайды Sputnik Қазақстан.

"Өз үйінің ауласында алты жастағы ер баланы ит талап тастапты. Ит баланың отбасына тиесілі екені анықталды, жеткіншек алған жарақатынан оқиға орнында жан тапсырды", — деп мәлімет берді ішкі істер департаменті Sputnik Қазақстанға.

Баланың қазасына байланысты қылмыстық іс қозғалып, сот-медициналық сараптама тағайындалған.