Ол 51 600 теңге айыппұл төледі.
ERNUR.KZ. Қостанай аудандық сотында Тобыл қаласының 41 жастағы тұрғынына қатысты әкімшілік құқық бұзушылық туралы іс қаралды, деп жазады azattyq-ruhy.kz.
Қостанай тұрғындары жолдың ортасында отырған жалаңаш адамды видеоға түсіріп алған. Тобыл қаласының 41 жастағы тұрғынына қатысты ұсақ бұзақылық фактісі бойынша әкімшілік іс қозғалды.
«2024 жылғы 24 тамызда құқық бұзушы С.ӘҚБтК-нің 434-бабы 1-бөлігінде көзделген құқық бұзушылықты жасаған. Яғни, айналасындағыларға құрмет білдірмеген. Қоғамдық тәртіпті және жеке тұлғалардың тыныштығын бұзып, Қостанай ауданының Тобыл қаласы-Мичуринское ауылы қатынасында автожолда жалаңаш күйде отырған», - делінген Қостанай облыстық сотының хабарламасында.
Сотта азамат С.құқық бұзушылық жасағаны үшін кінәсін мойындады, жасаған ісіне өкініш білдірді.
Сот құқық бұзушыны ҚР Әкімшілік құқық бұзушылық туралы Кодексінің 434-бабының 1-бөлігінде көзделген әкімшілік құқық бұзушылық жасағаны үшін кінәлі деп тауып, оған 51 600 теңге сомасында айыппұл түрінде жаза тағайындады.
Қаулы заңды күшіне енген жоқ.
Еске салайық, Қостанайда бұған дейін тағы бір жалаңаштанған ер адам автотұрақтағы көліктің алдында дәрет сындырған еді.
![](/assets/thumbnails/b1/b1ffaa7012121d78c3aaed67d05992e2.jpg ""Отбасылы еркектің уәдесіне сеніп жүріп, жастық шағым өтіп кетті"")
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
