"Бұрмалап көрсеткен": Әнші Ақбота өзін ренжіткендерді сотқа беретінін жеткізді

фото интернеттен алынды

Осыдан біраз уақыттар бұрын "Аппақ гүлімен" танылған әнші Ақбота Керімбекованың ұтыс ойындарын жарнамалағаны үшін, телеарна мен желі қолданушылары арасында біраз талқыға түсіп, сынға қалғаны бар. Енді әнші өзін орынсыз айыптап, желіде намысына тиетін сөздер айтатын адамдарға кешіріммен қарамайтынын, бұдан былай оларды бірден сотқа беріп, заң жүзінде жазалайтыны туралы ескертті.

Бұл туралы instagram парақшасында жазды.

"Қымбатты оқырмандарым! Кеш жарық! Оразаны аяқтадым, Аллаға сансыз шукірлер болсын. Енді эфирге шығайын. Ақталмаймын да, ақталғым да келмейді, себебі ешқандай заңға қарсы әрекет жасағаным жоқ. Шындықты қабыл алсаңыздар, мән жайды түсіндірейін деген ойым ғана.

"Даудың басы Дайрабайдың ала сиырынан басталды" демекші, бәрі ұтыс ойыны емес, Инвесторлардан дауынан басталған.

Кейбір рейтинг қуып, өздерін "хайппен" жарнамалағысы келетін кейбір журналистер мен сайттар, менің, әріптестерімнің сөздерін барынша бұрмалап, халыққа "жексұрын" көрсетіп жүр.

Менің, шақырған сұхбаттарынан бас тартып, "Қанша рет бұл туралы айттық. Мен енді бұл туралы айтқым да, басымды ауыртқым да келмейді. Журналистер түймедейді түйедей етесіздер. Менің ақшаға қатысым жоқ, мен тек жарнамасына түстім", - деген сөздерімді, ток шоуға емес, "халыққа басымды ауыртқым келмейді" деп бұрмалап көрсеткен.

Осы күнге дейін, рейтинг үшін "жан пида" боп жүрген және әлеуметтік желіде ауыздарына келгенін айтып, маған қатысты ақпаратты бұрмалап, ақиқатына көз жеткізбей, мән-жәйді білмей, мені қаралап, жала жауып айтылған сөздердің бәріне кешіріммен қарадым. Бірақ.... Бүгіннен бастап, дәл осылай мейлі ТВ, мейлі әлеуметтік желі, инстаграм желісінің пікірінде, кім маған ауыр сөздер айтып, жала жауып, намысыма тиетін сөздер айтса, жазса, ҚАЗАҚСТАН РЕСПУБЛИКАСЫНЫҢ ҚЫЛМЫСТЫҚ КОДЕКСІНІҢ 130, 131 баптары бойынша сотқа беретінімді ескерткенім дұрыс болар. Әр нәрсенің шегі бар. Алланың барын ұмытпайық", - дейді ашынған әнші.