ШЫМКЕНТ: 36 мың ардагер мен аз қамтамасыз етілген азаматтарға әлеуметтік қолдау көрсетіледі

04.02.2022 13:19

735

Бұл туралы қалалық жұмыспен қамту және әлеуметтік қорғау басқармасының басшысы Б.Нарбекова мәлімдеді.

Биылғы жылы Шымкентте 36 072 ардагерлер мен аз қамтамасыз етілген азаматтарға әлеуметтік қолдау көрсету жоспарлануда, деп хабарлайды ERNUR.KZ.

Бұл туралы қала әкіміне есеп беру кезінде қалалық жұмыспен қамту және әлеуметтік қорғау басқармасының басшысы Б.Нарбекова баяндады.

24 334 азаматқа ай сайын және бір реттік әлеуметтік көмектер көрсетіліп, Ұлы Отан соғысы ардагерлеріне, тыл ардагерлеріне, зейнеткерлерге және батыр-аналарға сауықтыру үшін жолдама беріледі.

Сонымен қатар, 32 395 отбасыға атаулы әлеуметтік көмек көрсету және мемлекеттік атаулы әлеуметтік көмек алушылардың 1-6 жас аралығындағы балаларына кепілдендірілген әлеуметтік топтамамен орта есеппен 45 673 баланы қамту жоспарлануда.

Ал, мүмкіндігі шектеулі азаматтар өзінің электрондық қолтаңбасын (ЭЦҚ) пайдалана отырып, әлеуметтік қызметтер порталы арқылы қажетті құралдар мен қызметтерге тапсырыс бере алатынын айтты. Портал арқылы жыл басынан бері 55 құрал түрі мен 3 қызмет түрі бойынша тапсырыс түскен. Нәтижесінде 27 663 арнайы құрал берілді.

Осы жылы протездік-ортопедиялық көмекке және техникалық көмекші құралдармен -5865, сурдотехникалық көмекпен-780, тифлотехникалық көмекпен-1613, санаторлық-курортық емдеу бойынша - 3 725, жеке көмекшінің қызметтерімен-1 564 адам, ымдау тілі мамандарының қызметімен -560, міндетті-гигиеналық құралдарымен-10 643 адам қамтамасыз етіледі деп күтілуде.