ШЫМКЕНТ: Нұрғазы Бұхарбаев Қоғамдық Кеңес төрағасы болып сайланды

Бүгін Шымкент қаласы Қоғамдық Кеңесінің бірінші отырысы өтті - деп хабарлайды ERNUR.KZ тілшісі.

Бүгін 30 жуық мүшесі бар Қоғамдық Кеңест жұмыс тобының жаңа құрамы таныстырылды. Олар мемлекеттік органдардың, үкіметтік емес, қоғамдық бірлестік және басқа да ұйымдардың өкілдері. Отырыс барысында Қоғамдық Кеңес Президиумының хатшысы Жанар Бектаева төралқа мүшелігіне Қожамжарова Дариягүл, Вербицкий Игор, Ташқараев Ғани, Бұхарбаев Нұрғазы және Төлегенов Бекайдар болып бекітілді.

Сондай-ақ жиналғандар жаңа төрағаны сайлады. Кеңес мүшелері бұл қызметке Шымкент қаласы мәслихатының депутаты Нұрғазы Бұхарбаевты лайық деп санап, бірауыздан төраға етіп сайлады.

"Көпшілік Нұрғазы Бақтыбайұлын жоғары ұйымдастырушылық және көшбасшылық қабілеттерге ие, алдына қойған мақсаттарға қол жеткізуде жауапкершілік пен табандылық танытатын, іске шығармашылық тұрғыдан қарайтын азамат ретінде біледі", - деді кеңесте сөз алған «Nur Otan» партиясының Шымкент қаласы филиалы төрағасының орынбасары Бекайдар Мұсаұлы.