Қаза болғандар мен зардап шеккендер жоқ.
Шымкент қаласында қатты соққан желден бірнеше нысанның шатыры ұшты, деп хабарлайды ERNUR.KZ.
Қазгидрометтің мәліметіне сәйкес, Шымкентте 6 маусым сағат 18.25-18.36 арасында 15-28м/с қатты жел соқты. Салдарынан бірнеше мекенжайда үйлердің шатыры ұшты.
Атап айтқанда, Байтұрсынов көшесі 90А 5 қабатты үйдің 40 шаршы метр болатын шатыры ұшып, Қонаев даңғылы 1 үйдің ауласына құлаған. "Тoyota Corolla " маркалы автокөлікке зақым келтірді.
Сондай-ақ, Солтүстік шағын ауданы 52 үйдің шатыры қатты соққан жел салдарынан құлаған. Оқиға орнына Төтенше жағдай қызметінің 2 техникасы мен 8 қызметкері жіберілді. Қаза болғандар мен зардап шеккендер жоқ. Қазіргі кезде жағдай тұрақты.
