Қазақ футболшысының салған добы жылдың ең мықты голы атағына ұсынылды

18.11.2020 09:56

684

Қазақстандық Айбол Әбікен алаң ортасынан гол салған болатын.

ERNUR.KZ. Британиялық SPORTbible басылымы Қазақстан құрамасының қорғаушысы Айбол Әбікеннің Ұлттар лигасындағы Албаниямен матчте алаң ортасынан салынған голына тамсанды, деп жазады vesti.kz.

"Тоқта, не істеп жатырсың? Алаң ортасынан салынған гол. Қазақстандық Айбол Әбікен голкиперді абдыратып, жыл голының бірін салды. Адам сенгісіз", - делінген басылым твиттерінде.

Айта кетейік, Айбол салған гол Қазақстан құрамасын жеңілістен құтқармады, есеп 1:3 Албания пайдасына.