Кездесуде діни бірлестіктердің татулық пен келісімді сақтаудағы рөлі және өзге де мәселелер талқыланды.
Облыс әкімі Шымкент және Түркістан епархиясының епископын қабылдады, деп хабарлайды ERNUR.KZ.
Түркістан облысының әкімі Дархан Сатыбалды Шымкент және Түркістан епархиясының епископы Сергей Коноплевпен кездесті. Кездесу барысында ел бірлігі, облыс аумағындағы дін саласындағы жұмыстар мен этносаралық және конфессияаралық тұрақтылық мәселелері жөнінде пікір алмасты.
«Ел Президентінің тапсырмасымен Түркістан қаласының ерекше мәртебесі туралы Заң әзірленді. Соған сәйкес, Түркістанның тарихи-мәдени ескерткіштерін қорғау күшейтіледі. Шаһардың өзіндік даму жолы айқындалып, туристік орталыққа айналады», – деген Дархан Сатыбалды өңірде атқарылып жатқан жұмыстарға тоқталып өтті.
Сергей Коноплев Түркістанның адам танымастай өзгергенін айта келе, қасиетті шаһардың тарихи маңызы зор екенін атап өтті.
Кездесуде діни бірлестіктердің татулық пен келісімді сақтаудағы рөлі және өзге де мәселелер талқыланды.
Айта кетейік, Түркістан облысында 771 діни бірлестік пен филиалдар жұмыс атқаруда.
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
