ТҮРКІСТАН: Ордабасыда шегірткеге қарсы жұмыстар жүйелі жүргізіліп жатыр

Ордабасыда шегірткеге қарсы күрес жұмыстары жүйелі жүргізілуде, деп хабарлайды ERNUR.KZ.

Ордабасы ауданында ауыл шаруашылығы дақылдарын зиянкестерден қорғауға, өнімділікті сақтауға бағытталған науқандық шара күннен-күнге күшейтілуде.

Зиянкес шегірткеге қарсы күрес шараларының тиімділігі мен сапасын арттыру мақсатындағы жергілікті билік өкілдері мен ауылшаруашылық мамандарының бірлесіп атқарған жұмыстарының нәтижесінде ауданда жалпы 25 000 гектар жер зерттеліп, оның 5 300 гектарында химиялық өңдеу қажеттілігі анықталған. Бүгінгі күні өңделген жер көлемі 4200 гектардан асты.

Зиянкестердің басым бөлігі Бөржар және Бадам ауыл округі аймақтарында анықталып, бұл жұмыстарға 8 арнайы техника, 10 дана химиялық препарат шашатын аспалы бүріккіш құралдар және 30 анықтаушы маман жұмылдырылуда.