Түркістанда «Наурызнама» онкүндігі басталды

Түркістанда Амал мерекесі аталып өтті, деп хабарлайды ERNUR.KZ.

Түркістандағы этноауыл кешенінде Амал мерекесі аталып өтті. Жиынның шымылдығын қала әкімі аппаратының басшысы Талғат Қыдырбаев ашты.

«Қазақ әрқашан Наурыз мерекесін ерекше атап өткен. Қыстан аман-есен шыққанына шүкірлік етіп, жақсылыққа үміт еткен. Осы орайда, ұлтымыздың мерейін өсіріп, бар болмысымызды айшықтайтын қасиетті – Наурыз мерекесі баршамызға құтты болсын. Ұлыс оң, ақ мол болсын!» - деді аппарат басшысы.

Мазмұнды мереке қалалық Мәдениет үйі өнерпаздарының көрісу күніне арнайы дайындаған қойылымымен жалғасты. Тұрғындар бір-бірін қыстан аман-есен шығуымен құттықтап, төс қағысты. 70-ке жуық жас қолөнерші өз туындыларынан көрме ұйымдастырып, келушілерге орта арнаулы оқу орындарының студенттері қазақтың ұлттық тағамдарын ұсынды.

Айта кетейік, облыс орталығында Наурыз мерекесі он күн тойланады.