Түркістандық дәрігерлер 15 мыңға жуық ота жасады

Түркістан облысында өткен жылы 14 889 ота жасалды, деп хабарлайды ERNUR.KZ.

Түркістан облысында 2023 жылы 14 889 ота жасалды. Оның ішінде, өткен жылы Түркістан облыстық клиникалық ауруханасында 8 туыстық бүйрек трансплантациясы сәтті өтті. Биыл облыстың білікті дәрігерлері 7 туыстық бүйрек трансплантациясы және 1 мәйіттік бүйрек трансплантациясын жасады.

Өңірдегі дәрігерлердің біліктілігін арттыру және тәжірибие алмасу жұмыстары тұрақты жүргізіліп келеді. Өткен жылы хирургиялық бейін бойынша 52 дәрігер өз біліктілігін арттырып, тәжірибие жинады. Бұл бағыттағы жұмыстар жалғасын табады. Осы жылдың соңына дейін облыстағы дәрігерлердің біліктілік көрсеткіштерін республикалық ғылыми орталықтарда және алыс-жақын шет елдерде жоғарылату жоспарланып отыр.