Түркістандық оқушылар робототехника жарысында жеңімпаз атанды

Қазығұрттық оқушылар республикалық робототехника жарысында жеңімпаз атанды, деп хабарлайды ERNUR.KZ.

Алматы қаласында «Almaty Tech Cup X» робототехника және инновациялық технологиялар бойынша X дүбірлі ашық чемпионат өтті. Республикалық додада қазығұрттық оқушылар командалық есепте 1-орынды иеленді.

Чемпионатқа Қазығұрт ауданынан «Qazygurt» және «Rob» командалары робот тапсырмалары мен инновациялық жобалар бойынша сынға түсті. Нәтижесінде қазығұрттық командалар «Champions award finalist», «Innovation Awards finalist», «Robot performance award finalist» жүлделеріне ие болды. Сондай-ақ, жеңімпаздар Қырғызстан елінде өтетін чемпионатқа жолдама алды.

Жарыс - білім беру ұйымдарының оқушыларын біріктіру, сондай-ақ жастардың робототехникасы мен инженерлік дағдыларын дамытуға ықпал ету мақсатында ұйымдастырылған.