Түркістандық полицейлер көлік тізгіндеген қыз-келіншектерге гүл сыйлады

Ордабасы аудандық полиция бөлімі қызметкерлері мереке күні көлік тізгініндегі қыз-келіншектерге гүл шоқтарын сыйлады, деп хабарлайды ERNUR.KZ.

Ордабасы аудандық полиция бөлімінің қызметкерлері «8 наурыз – Халықаралық әйелдер күні» мерекесінде жол қауіпсіздігін қамтамасыз ету мақсатында рейдтік іс-шара жұмыстарын жүргізді.

Жұмыс барысында полицейлер көлік тізгініндегі әйелдер қауымын тоқтатып, мерейлі мерекелерімен құттықтап, гүл шоқтарын сыйлады.

Сондай-ақ, нәзік жандыларға жолда жүру ережелерін мұқият сақтауға шақырған.