22 сәуірде Үндістанның Джамму және Кашмир одақтас аумағында болған террорлық шабуылда 26 адам қаза тапқан болатын.
Фото: aa.com.tr
ERNUR.KZ. Үндістан премьер-министрі Нарендра Моди Мәскеуге Жеңіс күніне арналған іс-шараларға қатысу үшін жоспарланған сапарынан бас тартты. Бұл шешім Пахалгам қаласында болған терактіден кейінгі жағдайға байланысты қабылданды, деп жазады inform.kz.
22 сәуірде Үндістанның Джамму және Кашмир одақтас аумағында болған террорлық шабуылда 26 адам қаза тапқан болатын.
– Премьер-министр Үндістанда болған жағдайға байланысты Мәскеуге бармайды, - делінген хабарламада.
Айта кетейік, Джамму мен Кашмир штатындағы террористік шабуылдан кейін билік 48 туристік нысанды жабу туралы шешім қабылдады.
Бұған дейін хабарланғандай, Үндістан полициясы Кашмирдегі шабуылға қатысты күдіктіні анықтады.
Кеше түнде Пәкістан әскері Джамму мен Кашмирдегі Паргавал секторындағы Үндістанмен шекарада оқ жаудырды. Атысты тоқтату режимі Джамму аймағының үш негізгі секторында да бұзылды. Үндістан әскері бақылау сызығында алтыншы түн қатарынан себепсіз атыс болғанын хабарлады.
![](/assets/thumbnails/05/0539ad1196ba46b927dd11b29f8261e2.jpg ""Жұмсау үшін қонаққа шақыра ма?": жас келіншек үлкендерге келіндердің де адам екенін ескерткісі келеді")
