Астанада полицейлер «Нұрсая» тұрғын үй кешенін қоршауға алды

Астанадағы «Нұрсая» тұрғын үй кешенінде орналасқан дәмханадан иесіз сөмкенің анықталуына байланысты полицейлер маңайды қоршауға алды, деп хабарлайды ҚазАқпарат.

Министрліктер үйіне қарама-қарсы орналасқан дәмханаға қалдырылған сөмке күдік туғызғандықтан оқиға орнына тәртіп сақшылары шақырылды. «Иесіз зат табылған аумақ қоршауға алынды. Қауіпсіздік шарасы ешкімге ыңғайсыздық тудырған жоқ», - дейді Астана ІІД баспасөз қызметі. Полицейлер жүргізген мұқият тексеріс барысында, ешқандай қауіп тудыратын зат табылған жоқ. Сөмкені дәмханаға келушілердің бірі ұмытып кеткен.