Елбасы халық әртісімен бірге Ақордада ән айтты (видео)

02.11.2018 08:36

1 531

Президент пен атақты әнші "Люблю тебя, мой край родной" (сөздері — И.Назалевич, музыкасы — Г.Подэльский) әнін айтты

Елбасы халық әртісі Әлібек Дінішевті қабылдады, деп хабарлайды ERNUR.KZ Ақордаға сілтеме жасап.

Нұрсұлтан Назарбаев Әлібек Дінішевтің Қазақстан мәдениеті мен өнерін дамыту және ілгерілету ісіндегі айрықша рөлі мен сіңірген еңбегін атап өтті.

видео:Мемлекет басшысының баспасөз қызметі Facebook желісінен алынды

Мемлекет басшысы халық әртісінің Астана қаласы мен бүкіл тәуелсіз Қазақстанның қалыптасу үдерістеріне куә болып, белсенді атсалысып келе жатқанын айтты.

Нұрсұлтан Назарбаев Ә.Дінішевті елорданың 20 жылдығына орай «Астана Опера» театрында қойған концертінің табысты өтуімен құттықтады.

Халық әртісі Қазақстан Президентінің шығармашылық саласындағы саясатына және мемлекеттің өнер қайраткерлеріне қолдау көрсетіп отырғанына ризашылық білдірді.

– Мен Астананың мерейтойын атап өтуге үлес қосуды парызым деп білемін. Егемен еліміздің мәдениетін қалыптастыру кезінде Сізбен бірге болғанымды мақтан етемін. Бұл жолда көптеген қиыншылықтар еңсерілді. Қазір бәрі түбегейлі өзгерді, театрларға керемет жағдай жасалды. «Астана Опера» – соның жарқын мысалы. Оның сахнасында ән айту – зор қуаныш, – деді Ә.Дінішев.