Елімізде жүн қабылдау орыны пайда болады

ERNUR.KZ. Ақтөбе облысында итальяндық технология бойынша өңделген жүннен тоқылмаған материалдар өндіріле бастайды, деп жазады baq.kz.

АШМ баспасөз қызметінің мәліметінше, 26 қыркүйекте Қазақстанның Ауыл шаруашылығы министрлігі, «CORMATEX S.r.l.» және «KAZAKH INVEST» ҰҚ» АҚ арасындағы өзара түсіністік туралы тиісті меморандумға қол қойды.

Жобаны «KazFeltec» ЖШС қазақстандық компаниясы итальяндық инвестор Cormatex-пен бірлесіп іске асыратын болады. Ол қаржы құюдан басқа кәсіпорынды итальяндық технологиялармен және жабдықтармен қамтамасыз етеді. Жобаның құны 10 млн долларға бағаланады, оның 70% қарыз сомасы құрап отыр.

Айта кетейік, қазіргі уақытта Қазақстанда жүннің 70% жуығы кәдеге жаратылады. Жаңа жобаның ашылуы мультипликативті әсерге ие болады, соның арқасында қазақстандық мал өсірушілер малдың жүні мен терісін сатып, пайда таба алады.