Бапкерлік штабтың басқа мүшелері, әкімшілік қызметкерлер мен ойыншылар да коронавирус жұқтырғандармен байланыста болған.
ERNUR.KZ. Футболдан Қазақстан құрамасы штабының бірнеше қызметкері коронавирус жұқтырған. Бұл туралы журналист әрі инсайдер Айдын Қожахмет телеграм-каналында мәлім етті, деп жазады Тengrinews.kz.
"Қазақстан құрамасы штабының бірнеше қызметкері коронавирус жұқтырды. Олар - жаттықтырушы Сергей Калюбин және команда әкімшісі Максим Шауберт.
Енді кімдер оқшауланып, Киевке кімдер баратыны белгісіз. Бапкерлік штабтың басқа мүшелері, әкімшілік қызметкерлер мен ойыншылар да олармен байланыста болған", - деп жазды Қожахмет.
Еске салсақ, кеше "Астана Аренада" Қазақстан құрамасы 2022 жылғы әлем чемпионатының іріктеу турнирінде алғашқы матчін өткізіп, Франциядан 0:2 есебімен жеңілген еді. Енді Қазақстан 1 сәуірге қараған түні Киевте елорда уақытымен 00:45-те Украинамен кездеседі.
