Қытайға тәжірибе алмасуға баратын медицина мамандарына жұмсалатын шығынды еліміздің Денсаулық сақтау министрлігі және жергілікті мекемелер төлейді.
ERNUR.KZ. Қазақстан дәрігерлері тәжірибе алмасу үшін Қытайға барады. Бұл туралы ҚР ДСМ Қоғамдық денсаулық сақтау ұлттық орталығы директорының орынбасары Сержан Айдосов айтты, деп жазады ҚазАқпарат.
«Денсаулық сақтау министрінің ҚХР Елшісімен соңғы кездесуі барысында Қытай Денсаулық сақтау министрінің ұсынысымен Қазақстан мамандарын сол елде тәжірибе алмасуға жіберу мәселесі көтерілді. Осы бағытта бағдарлама мен баратын мамандар тізбесін жасап жатырмыз», - деді Сержан Айдосов «Денсаулық сақтау министрлігі хабарлайды» бағдарламасы барысында.
Оның атап өтінше, Қытайға тәжірибе алмасуға баратын медицина мамандарына жұмсалатын шығынды еліміздің Денсаулық сақтау министрлігі және жергілікті мекемелер төлейді.
«Бұған қоса, еліміздің Сыртқы істер министрлігінің де үлкен көмегі болады. Олар бізге қолдау көрсетіп отыр. Жалпы, мамандарымыздың қашан баратыны туралы нақты жоспар жоқ. Бірақ, 2-3 аптаның ішінде анықталады. Олар Бейжің қаласына барады деп жоспарланған»,- деді ол.
