​Қызылқоға ауданында төтенше жағдай жарияланды

Миялы ауылының батыс бетінде 50 метр жер биіктетіліп, қорғаныс бөгеттері күшейтілді, деп хабарлайды ERNUR.KZ Атырау облысы әкімінің баспасөз қызметіне сілтеме жасап.

Ойыл өзенінің тасуына байланысты Қызылқоға ауданында төтенше жағдай жарияланды. Жағдай облыс әкімінің жеке бақылауында. Бұл жайында өңір басшысы өзінің әлеуметтік желідегі парақшаларында жазды.

Қазіргі таңда қорғаныс мақсатында 300 тонна құм және 500-ден астам топырақ толтырылған мөшек қойылды.

Оқиға орнында 3 ауыр техника (2 КАМАЗ, 1 погрузчик), 70-ден аса ауыл жастары еріктілер жүр. Төтенше жағдайлар департаментінің 7 қызметкері қауіп бар аймақтарда күшейтілген кезекшілікте тұр.