Мұнай-химия зауыты құрамында радиоактивті заттар бар аспаптармен жұмыс істеу кезінде нормативтік-құқықтық актілердің талаптарын сақтамағаны анықталды.
ERNUR.KZ. "Павлодар мұнайхимия зауыты" ЖШС әкімшілік жауапкершілікке тартылды, деп жазады tengrinews.kz.
Қазақстан Республикасы Энергетика министрлігінің Атомдық және энергетикалық қадағалау мен бақылау комитеті тексеру жүргізді. Мұнай-химия зауыты иондаушы сәулеленуді генерациялайтын аспаптармен және қондырғылармен және құрамында радиоактивті заттар бар аспаптармен және қондырғылармен жұмыс істеу кезінде атом энергиясын пайдалану саласында қолданылатын нормативтік-құқықтық актілердің талаптарын сақтамағаны анықталды.
"Тексеру нәтижелері бойынша Қазақстан Республикасының Әкімшілік құқық бұзушылық туралы кодексінің 297 - бабы 1-бөлігі бойынша әкімшілік құқық бұзушылық туралы хаттама толтырылып, анықталған бұзушылықтарды жою туралы ұйғарым берілді", - делінген Энергетика министрлігінің ресми хабарламасында.
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
