Басшы қызметіне 2018 жылы отырған.
ERNUR.KZ. Елорданың бас санитарлық дәрігері Сәдуақас Байғабылов Қазақстан Президенті Қасым-Жомарт Тоқаевтың сынынан кейін қызметінен кетті, деп жазады Tengrinews.kz.
"Өз еркіммен Нұр-Сұлтан қаласының тауарлар мен көрсетілетін қызметтердің сапасы мен қауіпсіздігін бақылау департаментінің басшысы қызметінен кеттім. Еліміздің басты мегаполисінде қызмет ету үлкен жауапкершілік болды. БАҚ өкілдеріне, ақпараттық агенттіктерге, журналистерге, тілшілерге, жаңалық тарататын телеарналарға бірлесе атқарған белсенді жұмыс үшін алғыс білдіргім келеді", - деді Байғабылов.
Сондай-ақ, ол Facebook желісіндегі "Астана, хочу похвастать/пожаловаться" және "Астана - Что? Где? Когда?" топтарына, сондай-ақ елорда тұрғындарының департаментке қатысты сыны мен алғыстары үшін рақметін айтты.
"Әлеуметтік желілер қазақстандықтардың қоғамдық-саяси өміріне етене байланысты және әлеуметтік желілер көптеген мәселелерді шешуде және мәселеңезді жеткізуі мен естілуіне себепші бірден-бір құрал. Мемлекеттік органдардың басшылары әлеуметтік желілердегі шағымдар мен жазбаларға дереу ден қоюы қажет. Тауарлар мен көрсетілетін қызметтердің сапасы мен қауіпсіздігін бақылау департаментіні мысалында Мемлекет басшысының сынына қалмау үшін. Мүмкін, әрбір мемлекеттік қызметкер, қандай қызметте болғанына қарамастан, Мемлекет басшысының сынына қалса, онда қызметінен кетуі керек", - деді Байғабылов.
Сәдуақас Байғабылов Нұр-Сұлтан қаласының тауарлар мен көрсетілетін қызметтердің сапасы мен қауіпсіздігін бақылау департаментінің басшысы қызметіне 2018 жылы отырған еді. 2017-2018 жылдары премьер-министр Кеңсесінің әлеуметтік-экономикалық бөлімінің денсаулық сақтау секторының бас кеңесшісі болып жұмыс істеген.
