Жол-көлік оқиғасы Алматы облысындағы Талғар - Ақбұлақ жолында болды.
ERNUR.KZ. Алматы облысында жантүршігерлік жол апаты болды. Оқиғаның видеосы Желіде жарияланды, деп жазады Tengrinews.kz.
Апаттың кадрлары Instagram-дағы kris_p_talgar парақшасында пайда болды. Фото мен видеодан автобустың жеңіл көліктің алдынан түгін қалдырмағанын көруге болады. Жол-көлік оқиғасы Алматы облысындағы Талғар - Ақбұлақ жолында болды.
"1980 жылы туған ер адам қайтыс болды. Басқа зардап шеккендер жоқ. Автокөліктерде жолаушылар болмаған", - делінген хабарламада.
Оқиғаға Алматы облыстық полиция департаменті өкілі пікір білдірді. Ведомстводағылар апат 9 наурызда сағат шамамен 8.00-де болғанын айтты.
"Алдын ала мәліметтер бойынша, Mitsubishi Galant автокөлігінің жүргізушісі ПАЗ-3206 жүргізушісіне жол бермеген. Салдарынан екеуі соқтығысты. Оқиға болған жерде Mitsubishi Galant көлігінің 41 жастағы жүргізушісі алған жарақаттарынан қайтыс болды, басқа құрбандар мен зардап шеккендер жоқ", - деп атап өтті полиция департаменті өкілі.
Қазақстан Қылмыстық кодексінің 345-бабы 3-бөлігі бойынша сотқа дейінгі тергеп-тексеру басталды.
