Шымкенттегі ең көне мектеп жанынан жаңа ғимарат салынып жатыр

0
520

Жаңа ғимарат құрылысы 2021 жылдың маусым айында басталып, пайдалануға беру мерзімі 2023 жылдың шілдесіне жоспарланған.


Шымкенттегі ең көне мектеп жанынан жаңа ғимарат салынып жатыр

Шымкент қаласының әкімі Мұрат Әйтенов М.Х.Дулати атындағы №8 мектеп-гимназиясында болып, қосымша салынып жатқан оқу ғимаратының құрылыс жұмыстарын тексерді, деп хабарлайды ERNUR.KZ.

М.Х.Дулати атындағы №8 мектеп-гимназиясы Шымкент қаласындағы ең көне мектеп. Бүгінде оқушыларға үш тілде білім беретін мамандандырылған гимназияға айналған.
Жаңа ғимарат құрылысы 2021 жылдың маусым айында басталып, пайдалануға беру мерзімі 2023 жылдың шілдесіне жоспарланған. Құрылысты «Build Stroi» ЖШС атқаруда.
Нысан 1 100 оқушыға лайықталып, 250 орындық АКТ залы, спортзал, 20-30 мың кітап қорына арналған кітапхана мен 25 оқу орны және 320 орындық асхана да қаралған.
Аталған гимназия 2021 жылы Қазақстан бойынша үздік «100 олимпиадалық мектептер» тізіміне енген. Қала әкімі тек үздіктерді тәрбиелеп отырған мектептің қосымша ғимаратпен толығуы білімді жастардың көбеюіне жол ашатынын атап өтті.