Қазақстан – Финляндия матчінің төрешілері белгілі болды

0
1 076

Төрт ойыннан кейін "Н" тобында Финляндия және Қазақстан құрамалары 9 ұпаймен қатар келеді.


Қазақстан – Финляндия матчінің төрешілері белгілі болды

ERNUR.KZ. Футболдан 2024 жылғы Еуропа чемпионатына іріктеу кезеңіндегі Қазақстан және Финляндия құрамалары арасында өтетін ойынның төрешілері анықталды. 7 қыркүйек күні "Астана Аренада" өтетін маңызды матчқа румын төрешісі Раду Петреску қазылық жасайды, деп жазады vesti.kz.

Ойында Радуға отандастары Раду Гингуляк пен Мирча Григориу көмектеседі, төртінші төреші – Марцел Бирсан.

Төрт ойыннан кейін "Н" тобында Финляндия және Қазақстан құрамалары 9 ұпаймен қатар келеді. Қосымша көрсеткіштер бойынша ғана финдер алда тұр.

Ойын Астана уақытымен кешкі сағат 20:00-де басталады.