Өнерпаздар балаларға көтеріңкі көңіл күй сыйлады.
Мақтаарал ауданында «Балғын балалар – біздің болашағымыз» атты мерекелік іс-шара өткізілді, деп хабарлайды ERNUR.KZ.
Түркістан облысы, Мақтаарал ауданының адами әлеуетті дамыту бөлімінің ұйымдастыруымен «Балалар жылы» аясында ерекше білім беруді қажет ететін оқушыларға арнап, «Балғын балалар – біздің болашағымыз» атты мерекелік іс-шара өткізілді.
Жиынды аудандық мәслихат хатшысы Қ.Сәрсекбаев, Кәсіподақ комитетінің төрағасы А.Жолдасов, Мақтаарал аудандық «АMANAT» партиясының төрағасы Д.Асабаев ашып, балаларды келе жатқан мерекемен құттықтады. Сонымен қатар, аудан әкімінің орынбасары А.Ешанқұлова, Мақтаарал ауданының адами әлеуетті дамыту бөлімінің басшысы М.Серікбаев, Мақтаарал аудандық Әжелер кеңесінің төрайымы Ш.Құрбанбаева сөз сөйлеп, балаларға ізгі тілектерін білдірді. Мақтаарал ауданының адами әлеуетті дамыту бөлімінің ұйымдастыруымен балаларға шағын сыйлықтар ұсынылды.
Мерекелік іс-шараға арнайы шақырылған Асан Пердешов, Мөлдір Бақытжанқызы, Наркенже Серікбаева және тағы да басқа өнерпаздар ерекше білім беруді қажет ететін оқушылар мен ата-аналарға керемет көңіл күй сыйлады.
