ТҮРКІСТАН: Қырым қанды безгегін қоздырушы кенемен күрес шаралары күшейтіледі

18.07.2022 16:15

1 082

Көктемгі кезеңде Түркістан облысында 1,4 млн бас ірі мал мен 4,5 млн бас ұсақ мал залалсыздандырылған.

Түркістан облысының әкімі Өмірзақ Шөкеевтің төрағалығымен өткен апталық аппарат отырысында конго-қырым қанды безгегі секілді аса қауіпті саналатын жұқпалы аурулардың алдын алу бойынша жасалып жатқан жұмыстар сараланды, деп хабарлайды ERNUR.KZ.

Көктемгі кезеңде Түркістан облысында 1,4 млн бас ірі мал мен 4,5 млн бас ұсақ мал залалсыздандырылған. Мамандардың сараптау қорытындысы иньекциялаудың оң нәтиже бергенін анықтады. Маңызды шараның екінші кезеңі басталады. Бұл тұста үйіргелік қора-жайларды залалсыздандыруға басты назар аударылмақ.

Кенеге қарсы залалсыздандыру жұмыстарының сапасы мен тиімділігін анықтау бойынша аудан, қалаларда тиісті мекеме қызметкерлерінің қатысуымен арнайы комиссия құрылған. Олардың жұмыстары қатаң қадағалауда болады. Сала мамандары елдегі карантин кезінде халықтың шоғырлануы тоқтап, көрсеткіш жақсарғанын айтады. Конго-қырым қанды безгегінің табиғи ошақтарында орналасқан елді-мекендерді қорғау бойынша жоспарлы шаралар биыл да жалғасады.