Ресей құс етін Қазақстан мен Беларусьтен сатып ала бастады

0
585

Бұл бағаны тұрақтандыру үшін қажет, бірақ ішкі нарықта бағаның өсуіне экономикалық себептер жоқ.


Ресей құс етін Қазақстан мен Беларусьтен сатып ала бастады

ERNUR.KZ. Ресей Федерациясы Беларусь пен Қазақстаннан құс етін сатып ала бастады. Бұл бағаны тұрақтандыру үшін қажет, бірақ ішкі нарықта бағаның өсуіне экономикалық себептер жоқ. Ресей Федерациясының Ауыл шаруашылығы министрі Дмитрий Патрушев сәрсенбіде президент Владимир Путиннің Үкіметпен кездесуінде осылай деді, деп жазады inbusiness.kz.

Путиннің құс еті бағасының өсу себептері туралы сұрағына министр тамыз айында Ресей Федерациясында өндірістің аздап төмендегенін айтты. Бірақ қаңтар-тамыз айларындағы көрсеткіштер былтырғыдан жоғары.

"Экономикалық тұрғыдан бағаны көтерудің алғышарттары жоқ. Құс өсірушілермен сөйлескеннен кейін олар өздерінің әлеуметтік жауапкершілігін сезініп, тауық бағасын төмендете бастады. Біз оның нәтижесін жақын арада көреміз деп үміттенемін", - деді Патрушев.

Путин мұндай жағдайларда "Үкімет уақытында белгілі тетіктерді, соның ішінде жақын көршілерден импорттау сынды шараларды қолға алуы керек, мысалы, Беларусьтен, Қазақстаннан".

"Біз мұны қазірдің өзінде жасадық, тиісті шешімдер қабылданды, Беларусь пен Қазақстаннан біздің нарықты сәл теңестіру үшін бізге құс еті келеді",-деді Патрушев.
"Мұны уақтылы жасау керек еді, сонда мұндай баға өсімі болмас еді", - деп қорытындылады Путин. Ол жыл басынан бері құс етінің бағасы 27%-дан астам өскенін атап өтті.