Ұлыбританияның Лестер қаласында күшті жарылыс болып, 6 адам жарақат алды, -деп хабарлайды 24.KZ.
фото: 24.KZ.
Ұлыбританияның Лестер қаласында күшті жарылыс болып, 6 адам жарақат алды, -деп хабарлайды 24.KZ.
Жапа шеккендердің екеуі ауыр халде жатыр. Оқиға шаһардағы екіқабатты ғимаратта болған. Оның бірінші қабатында дүкен орналасса, жоғары қабатында тұрғын үй болған. Жойқын жарылыстан ғимарат түгел қирап, жақын маңдағы тағы бірнеше үй бүлінген. Содан кейін өрт шығып, оны өшіруге 6 бригада жұмылдырылды. Әзірге жарылыс неден болғаны белгісіз. Бірақ полиция төтенше жағдайды лаңкестікпен байланыстырып отырған жоқ. Қазір оқиға орны қоршалып, тергеу жүріп жатыр.
Джон Александер, куәгер:
- Алдымен жарылысты естідім. Содан соң қатты сілкіністі сездім. Қарасам, дүкен қирап, оған қарсы тұрған автобус аялдамасының төбесі быт-шыт болып құлап түскен. Содан кейін өрт басталды.
