Әлеуметтік желі қолданушылары Pfizer/BioNTech вакцинасының бағасы жайлы хабарламаны жаппай таратуда.
Автордың сөзінше, вакцинаны ерікті түрде алғысы келетін азаматтар 50 000 теңге төлеуі қажет. Алайда емханада бұл ақпаратты жоққа шығарды, деп хабарлайды ERNUR.KZ Stopfake.kz-ке сілтеме жасап.
Қазақстанда қайта вакциналау тактикасы өзгертілді
Хабарлама авторы бұл туралы Алматыдағы №4 емханадан естігенін айтқан. Бірақ емхана қызметкерлері вакцина бағасының әлі бекітілмегенін мәлімдеді.
"Қазір №4 емханада Pfizer вакцинасын ақылы түрде алғысы келетін азаматтарды алдын ала тіркеу жүріп жатыр. Әзірге бағасы белгісіз. Қалалық емхана қызметкерлеріне вакцина құны жайлы бұйрық келіп түскен жоқ", - деді мекеме қызметкерлері.
Сонымен қатар Pfizer препаратын 12 және 18 жас аралығындағы жасөспірімдердің тегін ала алатынын қосып өтті.
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
